Blogia
mientrashayaluz

Exito de participación a IIª MARCHA A PÉ A MUGARDOS

Exito de participación a IIª MARCHA A PÉ A MUGARDOS

Ás 17,30 horas de hoxe, 23 de xullo, partiron do Parque Carmelo Teixeiro, de Caranza, unhas 300 persoas que seguindo a convocatoria do Comité Cidadán de Emerxencia para Ría de Ferrol, realizaron a II Marcha a Pé a Mugardos.

En tres horas cubriron os aproximadamente 16 km., percorrendo a Avenida do Mar, a Ponte das Pías, Fene, Perlío, Barallobre, Maniños, Franza, A Pedreira, Reganosa,  e logo de baixar ao porto de Mugardos, se dirixiron ao Campo dos Carneiros, onde foron recibidos polas veciñas e veciños de Mugardos.

Alí, ante unhas 500 persoas reunidas, e antes de empezar o Festival de Música programado, interviñeron o Coordinador do Comité, Manuel Rodríguez Carballeira e a Presidenta da A.VV. de Mehá, Luz Marina Torrente, reafirmando a vontade deste Comité Cidadán de Emerxencia de continuar esta loita contra a ubicación da Planta de Gas de Reganosa, emprendida hai máis de oito anos, apoiada nas Sentecias dos Tribunais, na razón, e na defensa da vida e do patrimonio laboral , mediambiental, e cultural dos habitantes de Ría de Ferrol.

 

Tiveron tamén un sentido recordo para Carmelo Teixeiro, Don José Gabeiras e Tino Deibe.

 

Remataron coa convocatoria dunha nova movilización, o próximo venres 25, ante o Edificio da Xunta, na Praza de España de Ferrol, ás 8 da tarde, para rexeitar a entrada na Ría dun buque  cargado de GNL.

A continuación nun ambiente festivo e solidario, estase desenvolvendo a estas horas o Festival a cargo dos grupos : A Revolta, Balakandra, Amacuca, María Manuela e Satán e Coplán.

 

Agora e sempre :    ¡¡ PLANTA DE GAS FORA DA RIA ¡!

_______

 

Ante a Chegada do 25º gaseiro cargado de GNL a Reganosa,

O Comité Cidadán de Emerxencia para a Ría de Ferrol

Convoca

CONCENTRACIÓN – CACEROLADA - MANIFESTACIÓN

Ante o Edificio da Xunta de Galicia

(Praza de España - Ferrol)

Venres, 25 de Xullo, ás 8 da tarde.

 

Características do Buque:

"Castillo de Villalba"

Eslora 284 m., manga  42,5 m. Calado, 11,4 m.

Carga GNL : 58,631 T.

 

Acude e difunde
--
Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org

0 comentarios